Polisia Kaptura Tan Suspeitu Nain 3

Dili- Polisia Municipiu Dili Kaptura Tan Suspeitu Nain 3, Ne’ebé Deskonfia Envolve Kazu Tuda Malu, Iha Área Betó, Suku Comoro Foin Lalais Ne’e.
Suspeitu Na’in Tolu Ne’e Hetan Kapturasaun, Hafoin PNTL Halo Investigasaun Ba Autor Prinsipál Ne’ebé Deteím Hela Iha Sela Polísia.
Segundu Komandante Polisia Municipiu Dili Superintendenti Assistenti Euclides Belo Hateten, Suspeitu Na’in 4 Mak Kapturadu, Iha Konflitu Ne’ebé Rezulta Jovem Ida Mate.
Tuir Euclides Belo, Suspeitu Hirak Ne’e Sei Aprezenta Ba Tribunal, Hafoin Kumpre Detensaun Durante Horas 48.
Entertantu, Zito Sebastião, Tinan 18, Estudante Paulo Vi, Mate Iha Kazu Ataka Malu Entre Jovem, Ne’ebé Akontese Segunda-Feira Kalan, Iha Área Betó Timur, Suku Comoro.
Tamba Ne’e, Komando Polisia Municipiu Dili Fo Ordem Ba Membru Polisia Sira, Hodi Garante Seguransa Iha Área Suku Komoro.
(Konusere/Anis)-07042017

How do you react to this article?

You have reacted on "Polisia Kaptura Tan Suspeitu Nain 3" A few seconds ago