JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
Home Page Notisia Radio 23.01.2018 317 Views

PDHJ Simu Keixa Jovem Baku Policia Militar

Dili (Nasional) – Provedoria Direitus Humanus No Justisa – PDHJ Simu Ona Keixa Husi Sidadaun Na’In Lima, Ne’ebé Deskonfia Baku Husi Membru Polísia Militar Ho Inisiál ADS, Iha Motael Díli, Foin Lalais Ne’e.

Provedor Direitos Humanus No Justisa Silveiro Pinto Konfirma, Vítima Sira Aprezenta Keixa Iha Segunda-Feira Ne’e No PDHJ Sei Hala’o Prosesu Investigasaun Iha Tempu Badak.

Tuir Silveiro Pinto, Membru Polísia Militar Labele Halo Agresaun Ba Jovem Sira, Maske Sira Komete Krimi, Tamba PNTL Mak Iha Obrigasaun Atu Aprezenta Ba Ministériu Públiku, Hodi Prosesa Ba Tribunál.

Silveiro Pinto “Se Ita Nia Policia Militar Kaptura Tiha Hotu Depois La Ba Entrega Ba Autoridade Seluk Para Atu Prosesa Depois Sira Halo Fali Aktus Hanesan Nune’e Signifika Iha Dasi Ita Tau Hanesan Deit, Ba Hau Tuir Lolos Hanesan Autoridade Sira Hatene Muito Bom Lei E Sira Tenke Maka Kumpri Uluk Lei Ne’e, Prosesu Ne’e Hau Loke Ba Investigasaun.”

Antes Ne’e, Segundu Komandante PNTL Munisipiu Dili Superintendente Asistente Euclides Belo Hateten, Suspeitu Sira Presta Ona Deklarsaun Ba Seksaun Investigasaun Eskuadra Vera Cruz.

Insidente Ne’e Akontese Iha Loron 8 Fulan Janeiru Iha Sábadu Kalan No Suspeitu Sira Entrega An Ba Polísia Militar Iha Loron 9 Fulan Janeiru No Parte Polísia Militar Baku Joven Na’in Lima To’o Grave.

Jovem Helder Gonçalves Nega Katak Nia La Baku Membru Polísia Militar, Maibé Exérsitu Ne’e Mak Baku Membru PNTL Ida No Jovem Sira Tenta Atu Hakalma Situasaun.

Dadaun Ne’e, PNTL Sei Halo Investigasaun Hodi Aprezenta Ba Ministériu Públiku, Hodi Identifika Estatutu Husi Suspeitu No Vítima.

(Sergio/Jhon/Anis)

Add to Comments Here!!!!

Copyright © 2017 RTTL, All right reserved.
error: Content is protected !!
Develop by Yazid DM | Micro IT NET Technology

You might also like:
PNTL Gradua Tan Membru 178

Professores Contratado Iha Munisipio Lautem Preokupa ho Salario Nebe Tarde

aurelio-guterres
Kazu Tiago Guera Ho Chang Fong Guera

Dili (Nasional) - Ministériu Negósiu Estranjeiru...

Close