Governador BCTL : Banku Federal America La Impede Timor Nia Osan

Dili – Oras ne’e rumores iha públiku kona-ba governu Timór-Leste labele halo levantamentu osan fundu petrolíferu iha banku federal America (Federal Reserve New York) tanba de’it impasse polítika iha Timór-Leste.

Governadór Banku Sentral Timor-Leste, Abrão de Vaz Conselhos hatete, durante ne’e la iha impedimentu atu likida osan mina-rai ne’ebé depozita iha banku norte-amerikanu.

Tuir governadór BCTL katak, titular konta rejistadu iha banku norte amerikanu mak banku sentral Timor Leste no lejislasaun permite estadu atu iha konta únika.

Entretantu dokumentu ofisiál husi BCTL ne’ebé RTTL asesu katak, bainhira governu hakarak halo levantamentu ba fundu petrolíferu, ministériu finansa haruka instrusaun transferénsia ba banku sentral no publika iha jornal da repúblika no prosesu tomak jere husi entidade bankária Timor.

Reportajen : Domingos Trindade no Aniceto dos Reis (260221)

How do you react to this article?

You have reacted on "Governador BCTL : Banku Federal America La Impe..." A few seconds ago