JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Expo Dubai Lori Mundu Mai Timor

Expo Dubai Lori Mundu Mai Timor

Timor sei lori nia produtu rai laran no riku soin aprezenta ba mundu iha expozisaun mundial Dubai. Tanba nee, Manuel Vong garante prezensa Timor Leste iha expo Dubai sei atrai investor.

Autoridade Nasional Expo Dubai Timor Leste, autualiza preparsaun Timor Leste nian ho linhas ministeriais hodi insere programa no produtu importante sira atu bele halo promosaun no komersializa iha expozisaun mundial Dubai tinan 2021.

Cordenador Expo-Dubai- Manuel Vong, afirma Timor Leste hetan oportunidade brilhante hodi partsipa iha expo mundial neebe sei partisipa husi nasaun atus ida sia nulu resin rua, tanbe nee eis ministru turismu garante, prezensa Timor Leste iha eventu mundial nee, sei fo efeitu pozitivu ba Ekonomia Timor.

Enkuantu, Ministru Turismu komersiu no industria, Jose Lucas Da Silva, dezafia ekipa ho apoiu ministeriu hotu atu bele servisu hamutuk hodi fo sussesu ba eventu nee. Antes nee Governu aprova ona produtu natural no artezanatu neebe sei halo promosaun hamutuk item rua nulu resin hitu, no produtu seluk ho variedade ualu nulu resin mak sei faan.

Maske nunee Manuel Vong informa ekipa sei esforsu atu explora tan potensias identiku sira husi Munisipiu sanulu resin rua inklui RAEOA atu bele reprezenta iha eventu nee.

Tuir planu expo Dubai sei hahuu iha loron ida fulan Outobru tinan nee no termina iha fulan Marsu Tinan 2022.

(Almerio Afonso/ Alexandre Dos Santos Ba RTTL)
Editor Texto Nuno Saldanha
Atu hatene informasaun kompleta, bele akompanha iha gazeta às 24 iha Canal Televizaun RTTL Iha Oras 19:00

How do you react to this article?
Like
Love
Haha
Wow
Sad
Angry
You have reacted on "Expo Dubai Lori Mundu Mai Timor" A few seconds ago

Add to Comments Here!!!!

error: Content is protected !!