Verifika Material Sensitivo No Non Sensitivo

Aileu – Sekretáriadu Tékniku Administrasaun Eleitoral-Stae, Munisípiu Aileu Hahu Halo Verifikasaun Ba Material Sensitivo No Naun Sensitivo Ba Elisaun Parlementar. Responsavel Stae Munisípiu Aileu, Marcelino Sousa Ba Rttl Hateten, Verifikasaun Ne’e Hala’o Iha Sábadu Hafoin Material Sensitivo No Naun Sensitivo Hirak Ne’e Distribui Ba Aileu, Iha Sexta Feira.

Hafoin Verifikasaun Remata, Sei Kontinua Halo Pakotementu Antes Distribui Ba Sentru Votasaun Sira Iha Postu Administrativu Remexiu, Laulara,Leqiodoe, No Aleu Vila, Ne’ebé Sei Hala’o Iha Loron 21 Fulan Julho, Loron Ida Antes Eleisaun. Tuir Marcelino Sousa, Total Buletin De Votus Ne’ebé Sei Distribui Ba Centro Votasaun 55 No Estasaun De Votu 58 Iha Munisípiu Aileu, Hamutuk Livro 688.

Responsavel Stae Munisípiu Aileu Neé Sublinha, Iha Elisaun Parlamentar Tinan 2017 Neé, Iha Sentru No Estasaun De Votus Hat  Iha Postu Administratvu Laulara, Remexiu  No Lequidoe Maka Seidauk Asesu Eletrecidade, Enkuantu Seluk Hetan Ona Asesu. Entertanto, Prosesu Verifikasaun No Pakotementu Material Sensitivo No Naun Sensitivo Husi Estae Ne’ebé Akompanhadu Husi Cne, Hala’o Mos Iha Munisípiu Seluk Inklui Regiaun Autónoma Oecussi.

(Emi/Px/Eka)

How do you react to this article?

You have reacted on "Verifika Material Sensitivo No Non Sensitivo" A few seconds ago