Deputados Husu Governu Aselera Pagamentu Saláriu Ba Membru PNTL No F-FDTL

Dili – Deputadu iha Parlamentu Nasionál sente preokupadu ho membru Polísia Nasionál Timór-Leste no Falentil Forsa Defeza Timór-Leste-F-FDTL ne’ebé ninia saláriu mensal fulan Janeiru no saláriu désimu terseiru (gaji 13) atraza.

Vice-prezidente komisaun  ‘D’ ne’ebé trata asuntu ekonomia no dezenvolvimentu,  Olinda Guterres hatete, governu tenke aselera pagamentu ba instituisaun hirak ne’ebé seidauk simu saláriu.

Iha parte seluk, deputadu husi komisaun ‘F’ ne’ebé trata asuntu saúde, seguransa-sosil no igualdade, Leandro Lobatu reforsa, membru F-FDTL ho PNTL barak mak seidauk hetan osan ba hahán nian, maske Ministéri-Finansas deklara ezekuta ona orsamentu tinan 2021 ho porsentu 12.

Ministro Asuntu Parlamentár Komunikasaun Sosiál, Francisco Jerónimo komfirma, ministru-finansas sei responde asuntu ne’e.

Reportajen : Laurindo Raja Haba (230221)

How do you react to this article?

You have reacted on "Deputados Husu Governu Aselera Pagamentu Salári..." A few seconds ago