José Cipriano Belo Hakotu Is Deskonfia Sona Sala Aimoruk Husi Médiku Sira (Radio)

Dili – Vítima José Cipriano Belo, hakotu is iha Hospital Regional Baucau, deskonfia sona sala aimoruk husi médiku sira.

Questaun ne’e, hato’o husi, komandante PNTL Municipio Baucau, superintendenti xefi, Armando Monteiro, iha nia knar fatin tersa-feira ne’e.

Superintendenti xefi, Armando Monteiro justifika, antes ne’e vítima sofre moras fuan no kada fulan tenki halo tratamentu intensive, iha Hospital Regional Baucau, maibé, vítima hakotu kedas nia íis, deskonfia médiku sira sona aimoruk.

Superintendenti xefi, Armando Monteiro konsidera, Komando munisípiu, regista ona kazu ne’e hanesan krimi omesídiu neglizénsia.

Xefi sala emergéncia Umbelina De Almeida rekoñese, matebian hanesan paseinte antigu ne’ebe sempre halo konsulta, iha hospital regional Baucau.

Nia justifika, médiko sempre sona pasiente ho aimoruk ne’ebé rekomenda husi dotor expesialista sira.

Matebian José Cipriano Belo, hala’o tratamento, iha hospital regional Baucau kada fulan hahu tinan 2015.

Enquanto, mate isin transtefre ona ba Hospital Nasional Guido Valadares Dili hodi submete ba autopsia.

(Mp/Bc)

How do you react to this article?

You have reacted on "José Cipriano Belo Hakotu Is Deskonfia Sona Sal..." A few seconds ago