Dili – Deputadu Bankada Fretilin Parlamentu Nasional Lamenta Ho Desijaun Governu, Hodi Aplika Pontu Toleránsia Ba Ajendte Estadu No Servisu Hotu Durante Segunda-Feira. Xefi Bankada Fretilin Francisco Miranda Branco Hateten, Toleránsia Pontu Insiste Funsionáriu No Kargu Xefia Sira Atu Tama Servisu.

Francisco Miranda Branco “Ita Presiza Hadia Fila Fali Katak Feriadu Buat Ida, Toleransia De Pontu Ne’e Buat Seluk, Toleransia De Pontu Katak Lorloron Tama Tuku Sia Bele Tuku Sanulu Depois Halao Tiha Servisu Balu, Meio Dia Bele Ba Ona E Lapresiza Tama Ida Ne’e Mak Dehan Toleransi, Laos Toleransi Atu Lalika Mai Servisu Ona Hamosu Fali Feriadu Foun Ida Ne’e Lae.”

Ba Polítku Ne’e, Toleránsia De Pontu La Bele Entende Hanesan Feriadu, Hodi Implika Funsionamentu Mákina Estadu, Tamba Ne’e Husu Ba Governu Atu Sosializa Konteúdu Husi Toleránsia De Pontu. Iha Loron Sesta Feira Semana Kotuk, Governu Desidi Toleránsia Ponto Ba Funsionáriu No Ajentes Estado, Durante Loron Segunda-Feira.

Desijaun Govenu Ne’e Anúnsia Bazeia  Ba Despacho Numeru 009/2017 Husi Loron 10 Fulan Novembro Tinan 2017, Tuir Artigu 7 Númeru 6 Aliña D Husi Lei Númeru 10/2005 De 10 De Agosto.

Artigu Neé Sita Konaba Feriado Nasionais No Data Oficiais Comemorativa, Determinado Konsesaun Toleransia Pontu Iha Loron 13 Fulan Novembro Tinan 2017, Ba Funsionário, Ajentes Ministériu No Servisu Hotu. Tolerancia Ponto Akontese Iha Loron 13 Fulan Novembro Tinan 2017 Tanba Sidadaun Hotu, Selebra Loron 12 Novembro Nudar Loron Nasional Joventude.

(Manuel/Anis)